السبت، 19 فبراير 2011

انا باكرهك . قصيده للزميل الفاضل دكتور جلال التهامى


انا بكرهك

فى كل نقطه نازله ف سيل من دم

فى كل آه للشهيد قالها فى يوم الحسم

...

انا بكرهك

بكرهك زى مابيكره مديحنا الذم

وبكل واحد شهيد والده عليه اتغم

وبكل صرخه ع الشهيد طالعه من فؤاد الام

بكرهك

وبحب بلدى اللى رويتها بظلم وسم

30 سنه سرقه وبطاله وشيل للهم

وعايزين يقولو اكرمك بامارة ايه ياعم

بكرهك

قلبى انجرح دمعى نزل لما الشهيد اتكم

وعايزنى اسامحك وعايز منى كلام بلسم

ولا اطبطب عليك انت وعصابتك واقول ما يهم

بكرهك

ده اللى اتعمل ف الخلايق وربنا يعلم

شفنا بعنينا المجازر والخفى اعظم

بكرهك

عز يبيع ويسرق ونظيف لملم

والعادلى قال للجنود مرحبا بالظلم

بكرهك

وكتير كتير م العصابه ولسه فيه غيرهم

وعايزنى اصدق كلامك (انت لا تعلم )

بكرهك

امراض بطاله جوع سرقه دموع كله بيديك فى بلدنا اتلم

وتطلع تقول( احنا ف تقدم ) وتملى الفم

بكرهك

عايز تقول للخلايق احنا ف نعيم ننعم

ومصر زى الحلاوه مافيها ظلم بحكم

بكرهك

لالا مش عايزك تموت ده ربنا ارحم

خليك تعيش وتدوق العذاب والم

دم اللى راحو ف رقبتك بس لو بتشم

انا بكرهك

كل اللى حاصل ف البلد واللى حصل انساه

لا واللى خلقك مايحصل لحد التراب مايلم

مرسلة بواسطة في

هناك تعليق واحد:

  1. غير معرف19 فبراير 2011 في 12:52 م

    كلمات معبره عن واقع مرير لكن دكتور جلا ليه عايشين العيشه الغلب دى من 30 سنه فقط وال20 سنه السابقه كانت سنين رخاء ولا برده سنين عغلب وهم وشكرا دكتورى العزيز

    ردحذف

الاشتراك في: تعليقات الرسالة (Atom)