ماأجمل ألعوده الى مصر بقلم ألاستاذ شريف حافظ

اليوم وفي تمام الساعة 2 وقفنا وقفتنا.. كان عددنا 15 شخص من الحركة .. بس ما حدش حيصدق اللي حصل.. وقف حوالينا 300 مصري من الشارع: هتفوا هتافتنا، ورفعوا أعلام مصر معانا: رددوا معانا "تحيا مصر" و"مصر أولاً" .. وقيادات من الأمن كانوا بيتفرجوا علينا من على بعدجت بنت صغيرة، وسألت ميا سرور مسق العلاقات العامة في الحركة: هو أنتوا واقفين ليه؟ ميا قالتلها، علشان نبدي المصريين فوق أي حد.. علشان نحب مصر ونحب بعض، وننمي بلدنا علشان الفقرا يبقى وضعهم أحسن وياكلوا ويتعلموا ويتعالجوا ويعيشوا صح... البنت اللي كانت لابسة جلابية مقطعة: قالت لميا: يعني أنتم واقفين علشاني؟ أنا كمان حقف معاكم!!! ووقفت معانا البنت الصغيرة، رافعة علم مصر، ونادت وقالت تحيا مصر... مصر أولاًالناس كانوا كثير، وصوتهم زلزل الميدان.. تحيا مصر، .. مصر أولاًوجه صحفيين، سألونا، ليه الوقفى دي؟ ليه مصر أولاً؟ قلنالهم: مصر كانت بتتشتم في أزمة غزة، بدل ما الناس تشتم إسرائيل.. كانوا بيشتمونا.. وبيشتموا مصر، لأننا كنا واقفين مع غزة، بس ضد تدخل مصر في الأزمة، لأن المواطن المصري ييجي قبل أي حاجةأحنا عندنا مصريين كثير تحت خط الفقر، مش لاقيين، مش عارفين يعيشوا، مش بيشتغلوا لأن تعليمهم أو عدم تعليمهم على أدهم.. وعلشان كده، لازم نرجع لذاتنا، لازم نرجع لجوانا، لازم نرجع علشان ناخد بالنا من المواطن المصري الغلبان، ونوعي المواطنة المصرية ونعلمها، علشان تبقى أم كويسة صالحة أنها تبقى أم وتربي وتعلم أولادها، علشان هما يبقوا أمهات وستات كويسينأحنا مش ضد حد، بس اللي يدوس على طرف مصر، أحنا أكيد ضده، حتى لو أمريكا... حتى لو مين.. اللي يضر بلدنا أحنا ضدهوعندنا مشروع توعية وتعليم للمصرين من كل المستويات والطبقات، لأننا شايفين أن مصر بالعلم حتبقى قوةطبعاً فيه ناس بعتولي، وقالولي أن اللي بنعمله ما لهوش فايدة.. بس عادي.. المؤمن بفكرة حاجة واللي مش مؤمن بحاجة برضه عادي.. أحنا كنا النهاردة 15 وألتف حوالينا 300المرة الجاية نكون 300 ويبتف حوالينا 3000وهكذاكل فكرة بتتولد صغيرة وبتكبر، وبالحب بتبقى هظيمة.. وكفاية نفتكر ألمانيا واليابان كانوا أيه أيام ما بعد الحرب العالمية الثانية ودلوقتي أيه.. بأيه؟ بالإنتماء والحبأحنا لينا أهدافنا وماشين في برنامجنا اللي أعلنا البيان التأسيسي بتاعه على الموقع بتاعنا وعلى الجروب هناوأحنا مش خايفين من حد، وليه نخاف؟ أحنا مش بنشتم حد، وبنعلي من قيمة مصر ونساهم في كده، والمفاجآت لسه كثير.. وإتصالتنا بينتلنا إن نجاحنا مضمون طول ما أحنا مؤمنين بالهدف وبنطور شغلناالصور بتاعة الوقفة، حتتحط بمجرد ما الشباب اللي صورونا ينزلوهاأنا بعتبر أننا نجحنا، في أول وقفة، بـ 15 واحد، إلتف حواليهم 300 مصري بسيط، قدام الأمن، وما حدش لمسنااللي مؤمن بأهدافنا ينوروبشكر كل مصري ومصرية جم أو كانوا ناويين ييجوا وما قدروشوبشكر كل مصري ومصرية على الجروب أو عاملين عضوية على الموقعوبشكر كل الناس اللي بعتتلنا رسايل تأييدوبشكركم كلكممصر أولاالمواطن المصري أولاًمصر فوق الجميعالله أكبر والعزة لمصربكل من فيها أياً كانت ديانته