ازمه رجاله بقلم الاستاذه فاتن الراعى

_____________________1- طالما عربات المترو المخصّصه للسيدات مليئه عن آخرها ... يبقى فيه أزمة رجاله2- طالما فى بلدنا نساء يقفن فى الشوارع يبعن ترمس وكشرى وبطاطا ودره ، وأحيانا محشى أو أى حاجه ... وهن يحملن أطفالا رُضّعا على يد ويبعن باليد الأخرى ..... يبقى فيه أزمة رجاله3- طالما على كبارى المشاه تجلس سيدات مسنات فوق السبعين يبعن مناديل ورقيه ... يبقى فيه أزمة رجاله ( على فكره أغلبهن كفيفات4- طالما فى هذا الوقت يوجد نائبان فى مجلس الشعب يتشاجران من أجل الجلوس على كرسى ( دا بتاعى .. لأ دا بتاعى أنا .. )رغم وجود عشرات الكراسى الشاغره ... يبقى فيه أزمى رجاله5- لما رئيس مجلس الشعب يدخل الجلسه فيجد عدد الوزراء أكثر من عدد النواب ... يبقى الأزمة طيله الشعب كله6- طالما كبار السن والعاجزون يركبون الاتوبيس المليان ، ولا يقوم لهم أحد من الشباب ، بينما تقوم فتاه أو إمرأه ليجلسوا مكانها ... يبقى فيه أزمة رجاله7- طالما عندنا شباب يلبس إنسيال وسلسله ، وكمان بيحط روج !!! يبقى فيه أزمة رجاله8- طالما طوابير النساء على الأفران ، وفى المصالح الحكوميه تكاد تتساوى أو تفوق طوابير الرجال ... يبقى فيه أزمة رجاله9- طالما لدينا نساء يبكين ليس بسبب مرض أو موت ... يبقى فيه أزمة رجاله10- طالما عيال الشوارع ماليين الشوارع وفى تزايد بإستمرار .. يبقى فيه أزمة رجاله11- طالما المقاهى كاملة العدد من الصبح ، والصحرا فاضيه ، ومنسوب النيل عالى ... يبقى فيه أزمة رجاله12- طالما أغنية ( رجاله وطول عمر ولادك يا بلدنا رجاله ) لم تعد تذاع .. يبقى فيه أزمة رجاله ( على فكره لو إتذاعت هيبقى نصها كدب13- طالما فيه أغنية بتقول : جوزى وانا حره فيه .. جوزى أفرده وأكويه ... يبقى فيه أزمة رجاله14- طالما عندنا شباب بيقول الواحد منهم للفتيات من غير ما يستحى وهو مفتخر بذلك : انا مش بتاع جواز ... يبقى فيه أزمة رجاله15- طالما بنشوف نساء بتنضرب فى الشارع وأحيانا بالحذاء أمام جميع الناس ... يبقى فيه أزمة رجاله16- طالما عندنا مستشفيات ترفض استقبال المصاب قبل دفع الفاتوره ، وعندنا مدرسون متهمون بابتزاز التلاميذ ، وأمناء مخازن غير أمناء على المخازن .. يبقى فيه أزمة رجاله17- طالما الغش فى المدارس عينى عينك وأحيانا جماعى على مرأى ومسمع من هيئة التعليم المحترمه ( مع إعتذارى لكلمة محترمه وتأكيدى لكلمة هيئه ) .. يبقى فيه أزمة رجاله18- طالما عندنا للأسف الشديد ( والله العظيم أنا مكسوفه وانا بكتب هذا الكلام ) أزواج بيقعدوا مع زوجاتهم يتفرجوا على فيلم من الأفلام إياها على القمر الأوربى أو على الكمبيوتر والزوج راضى وموافق إن مراته تشوف هذه الأفلام وفيها رجاله عريانين قدام عينيه ... دى مش أزمة دى مصيــــــبه19- طالما عربية الكبده جنب عربية الفول جنب عربية الزباله ... والتلاته عليهم بنى أدمين اللى بياكل واللى بيدور على لقمه ياكلها ... يبقى فيه أزمة رجاله20- طالما الاسعاف عندنا بتوصل بعد الجريح ما ينزف دمه ويموت والمطافى بتوصل بعد الحريقه ماتحرق كل حاجه ، والشرطه بتوصل بعد الناس ما تشبع خناقه ... يبقى فيه أزمة رجاله21- طالما مشهد الجرى على الاتوبيس الفاضى أول ما يوصل المحطه عشان كل واحد بيدور على نفسه بس ، والستات والبنات والاطفال انشالله ما يوعوا يركبوا ... طالما هذا المشهد مازال موجودا ... يبقى فيه أزمة رجاله22- طالما رب الأسره المشغول دايما عن الأسره سايب عياله للدش والموبايل والإنترنت والزفت ... همّه اللى يربوا العيال ويطلعوا زى ما يطلعوا .. يبقى فيه أزمة رجاله23- طالما مفيش طابور فى بلدنا منظم ومنتظم من غير عسكرى وللا إتنين ماسكيم عصيان .. يبقى فيه أزمة رجاله24- طالما عندنا بطاله ونقص عماله فى آن واحد ، لأن شبابنا لا يحسنون أى عمل .. يبقى فيه أزمة رجاله25- لما شبابنا يبقوا حافظين ماركات الموبيلات ، وجداول المباريات ، ومش حافظين جدول الضرب .. يبقى فيه أزمة رجاله26- لما الزوج نايم والهانم بتشترى الخضار ودايره من الفجريه على التجار ... يبقى فيه أزمة رجاله27- لما فى الشغل دايما الستات أحسن فى الإنجاز والضمير والانضباب .. يبقى فيه أزمة رجاله28- طالما فيه (..... المحارم ) مش قادره أقول الكلمه مع ان المذيعات بتكررها ليل نهار وكأنهن يتلذذن بها ، نقول إيه ؟ قلة حيا ... طالما ظاهرة ( بتاع المحارم ده ) موجوده تبقى مصيبه مش أزمة رجاله29 - طالما عندنا أزواج عايشين حياتهم مع زوجاتهم اغتصاب فى اغتصاب .. يبقى فيه أزمة رجاله30- طالما عندنا أزواج بيحكوا لزملائهم وأصدقائهم عن حياتهم الجنسيه مع زوجاتهم (والغريب ان بيكون كلامهم كدب فى كدب ) ....يبقى فيه أزمة رجاله31- طالما نسبة الطلاق فى ازدياد رغم أن أكثر الحالات فيها أولاد ... يبقى فيه أزمة رجاله32- طالما الكتب المدرسيه وأحيانا الجامعيه بعد الأولاد ما ينجحوا بنبيعها لبياع البطاطا ، وبتاع الترمس يعملها قراطيس ... يبقى الأزمة حطّول .... وعلى فكره احنا بهذا الفعل مبنقرطس الكتب إحنا بنقرطس للأسف ولادنا ونهدم كل ما بنيناه33- طالما فيه بعض المناهج تحرق الدم وتستاهل اللى يجرالها زى حساب رابعة إبتدائى ... يبقى فيه أزمة رجاله34 - طالما المحاكم مزدحمه بآلاف القضايا كقضايا النفقه والشيكات .. يبقى فيه أزمى رجاله ، فالرجل يُحاسب بكلمته ، ويجب أن يكون على قدر مسئولياته35- طالما أننا لا نفخر ولا نعتز ولا نحتفل الا بأشياء من الماضى القديم .. يبقى فيه أزمة رجاله36 - طالما بقينا بنغنى للحمار والحصان .. يبقى فيه أزمة رجاله37- طالما اكثر الناس فى بلدنا بيفرحوا بالاجازات والعطلات الرسميه ، ويتمنوا اى حاجه تحصل زى انقطاع الكهرباء وتوقف حال العمل هشان يستريحوا .. يبقى فيه ازمة رجاله38- طالما فيه ناس معروفين بزواجتهم يعنى بيتقال .. ده جوز فلانه وده جوز علانه ... يبقى فيه أزمة رجاله39- طالما أغلب قضايا الطلاق بتكون فيها الست هى اللى طالبه الطلاق ومصرّه عليه .. يبقى فيه أزمة رجالهنقول كمان وللا كفايه كده ؟؟؟؟؟؟؟؟؟؟؟؟؟؟؟؟؟؟كلمه أخيره فى هذا الجزء .... أن أزمة الرجاله تظهر بقوه فى مجال العملفالمصرى الذى بنى الاهرامات وحفر قناة السويس وبنى السد العالى ... الآن لا يستطيع ان يبنى عماره تصمد امام الزلازل الخفيفهوأصبح الشك فى الصناعه المصريه يملأ الصدور ويرعب القلوبحتى انك لتقرر ان تشترى اى صناعه حتى لو صينيه او حتى سودانيه أضمن من الصناعه المصريه .... لان العامل المصرى فقد الثقه تماما وأصبح النصب يُسمى ( فهلوه ) والغشاش ( واد خُلاصه ) وهكذامما لا يخفى على الجميع من انقلاب المعايير وتزوير المعانى والذمم**************************